എല്ലാ മലയാളികൾക്കും നമോവാകം

വളരെ നാളുകളായി മലയാളത്തിൽ ഒരു ബ്ലോഗ് എഴുതണമെന്ന്‌ കരുതുന്നു. എന്നാൽ ഭാഷാപരമായ പരിമിതികളാൽ അതു സാധ്യമായില്ല. ഇപ്പോൾ കുറേക്കൂടി ആത്മവിശ്വാസം വന്നിരിക്കുന്നു, മലയാളത്തിൽ എഴുതുവാൻ.

മാതൃഭാഷ ഏവർക്കും ഒരു നിധിയാണ്. മാതൃഭാഷയിൽ എഴുതാൻ കഴിയുന്നത്‌ ഒരു സുഖമാണ്.

ഈ ബ്ലോഗെഴുതാൻ എന്നെ സഹായിച്ചത് “ആദ്യാക്ഷരി” എന്ന ബ്ലോഗാണ്. “ആദ്യാക്ഷരി”യുടെ പ്രയോക്താവായ അപ്പുവിന് എന്റെ ഹൃദയം നിറഞ്ഞ ആശംസകൾ.

ബ്ലോഗറിനാണ് അടുത്തതായി നന്ദി പറയേണ്ടത്‌. കടുത്ത സാങ്കേതികതയെ അയത്നലളിതമായി ഉപയോഗിക്കുവാൻ നമ്മെ പ്രാപ്തരാക്കുന്നതിൽ വിജയം വരിച്ച ബ്ലോഗറിനും നന്ദിയുടെ നറും മലരുകൾ...

എന്റെ ബ്ലോഗ് പോസ്റ്റുകൾ വായിക്കുവാനും അഭിപ്രായങ്ങളും നിർദ്ദേശങ്ങളും അറിയിക്കുവാനും ഞാൻ നിങ്ങളെ ഏവരേയും ക്ഷണിക്കുന്നു.

എല്ലാവിധ സഹായ സഹകരണങ്ങളും നൽകി പ്രോത്സാഹിപ്പിക്കുക.